«Арсенал» ва «Барселона» жамоаларининг собиқ ҳужумчиси Терри Анри «Ливерпул» вингери Муҳаммад Салоҳнинг бу мавсумдаги кўрсаткчиларини мақтади.  

«Агар футболчи кўп гол ва голлари сони тенг ассист қайд этса, бу ажойиб кўрсаткичдир. Муҳаммад доимо ўсишга интилади. Бунчалик юқори даражага эришган футболчилар кўп эмас», - дея франциялик собиқ ҳужумчининг фикрлариини келтиради Daily Mail.

Эслатиб ўтамиз, «Ливерпул» ҳужумчиси 32-турдан ўрин олган «Вест Ҳэм» (2:1) билан ўйинда жамоасининг биринчи голига ассистентлик қилди. Натижада мисрлик футболчининг бу мавсумдаги очколари 45 тага етди — 27 гол ва 18 ассист.