«Барселона» ҳимоячиси Алехандро Балде 26 апрел куни «Реал»га қарши бўлиб ўтадиган Испания Кубоги финалида қатнаша олмаслиги аниқ бўлди. Бу ҳақда Diario Sport хабар берди.

Футболчи «Леганес» (1:0) билан бўлиб ўтган баҳснинг биринчи бўлимида жароҳат олган эди. Душанба куни ўтказилган тиббий текширувлар унинг жиддий жароҳат олганини кўрсатди. 

Алехандронинг мушаклари қаттиқ шикастланган. Шифокорларнинг маълум қилишича, тикланиш учун тахминан бир ой вақт керак бўлади.

Балде «Барселона»нинг Чемпионлар Лигаси ярим финалига чиқишига ва ушбу босқичдаги биринчи ўйингача тикланишга умид қилмоқда. У тўлиқ формасига қайтгунча мураббийлар ҳимояда Жерар Мартинни ўйнатиши тахмин қилинмоқда.