Лондоннинг «Арсенал» клуби Букайо Сака билан янги узоқ муддатли шартнома имзолаши мумкин.

TeamTalk хабарига кўра, «тўпчилар» Саканинг ўйинларидан мамнун ва у билан узоқ вақт давомида бирга ишлашдан манфаатдор.

Англиялик 23 ёшли вингернинг «Арсенал» билан шартномаси 2027 йилнинг ёзигача мўлжалланган. Томонлар ўзаро келиша олишса, футболчининг маоши кўтарилади.

Сака бу мавсумда Премер-лигада «Арсенал» сафида 28 ўйинда майдонга тушиб, 10 гол ва 14 ассистни ўз ҳисобига ёздириб қўйди.