«Динамо»га (3:1) қарши баҳс Игор Акинфеев учун 900-ўйинга айланди.

ЦСКА дарвозабони РЛЛ 23-турида асосий таркибда майдонга тушди. 

«Бу — йўлнинг бошланиши. Юқори мақсадлар қўйиш керак. Ўйлашимча, сизлар 1000-ўйинимни ҳам кўрасизлар», — дейди 38 ёшли посбон. 

Акинфеев 2003 йилда «армиячилар» сафида дебют қилган ва шу вақтгача 789 та баҳсда майдонга тушган. Шунингдек, у 2004 йилдан 2018 йилгача Россия миллий жамоаси учун ҳам ўйнаган.

Маълумот учун, Акинфеевнинг юбилей ўйинида ўзбекистонлик яримҳимоячи Аббос Файзуллаев ҳам майдонга тушиб, 67 дақиқа ҳаракат қилди.