Александр Овечкин NHLда 895-голини уриб, Уэйн Гретцкининг рекордини янгилади. 

«Вашингтон» сардори «Айлендерс» (1:4) билан баҳсда жамоасининг ягона шайбасини киритди.

Натижада россиялик  39 ёшли ҳоккейчи Гретцкини (894) ортда қолдириб, лига тарихидаги энг яхши «мерган»га айланди.

Овечкин NHLда 2005/06 йил мавсумд дебют қилган ва ҳозирда 20-мавсумини ўтказмоқда. Аввалги рекордчи — канадалик Гретцки ҳам лигада 20 мавсум ўйнаган (1979/80 — 1998/99). 

Эътиборлиси, Гретцки ҳам ўйинни аренадан кузатди ва унинг рекордини янгилаган Овечкинни олқишлади. Рақиб ўйинчилари ҳам уни табриклашди.