Саудия пролигасида 26-турида пешқадам «Ал Иттиҳод» сафарда «Ал Аҳли» билан жанговар дуранг ўйнади, - 2:2.

Меҳмонлар таркибида франциялик ҳужумчи Карим Бензема 90+4-дақиқада гол уриб, жамоасини мағлубиятдан қутқариб қолди.

Шу тариқа, «Ал Иттиҳод» очколари сонини 62 тага етказиб, пешқадамликни давом эттирмоқда. «Ал Аҳли» 49 очко билан 5-ўринни эгаллаган.

Саудия пролигаси. 26-тур

Ал Аҳли — Ал Иттиҳод 2:2

Голлар: Ибанес 51, Тоуни 82 – Диаби 74, Бензема 90+4