«Тоттенҳэм» ҳужумчиси Сон Ҳён Мин собиқ жамоадоши Деле Алли билан муносабатлари ҳақида гапира туриб, 2025 йил январ ойида «Комо»га ўтган англиялик футболчи билан қўнғироқлашгани ҳақида айтди.

«Мен ҳар доим Деле менинг энг яхши дўстларимдан бири эканлигини айтиб келаман. «Тоттенҳэм»га энди келганимда, у менга жамоага мослашишимга ёрдам берди. Ҳозир ҳам бир-биримиздан ҳол-аҳвол сўраб турамиз. Унинг ҳолати яхши. Яқинда Италияга кўчиб ўтди ва биз ўзаро бироз ҳазиллашдик. У менга: «Айтганча, мен энди италянман», деди ва бироз кулишдик. Унга ёнг яхши тилакларимни билдирдим», — деди Сон Sky Sportsга берган интервюсида.

Сон Ҳён Мин ва Деле Алли 2015 йил августдан 2022 йил январгача «Тоттенҳэм»да бирга тўп тепишган. 2025 йил январ ойида Алли Италиянинг «Комо» клуби билан шартнома имзолаган.