«Атлетико» бош мураббийи Диего Симеоне Испания Кубоги яримфиналидан ўрин олган «Барселона» (0:1) билан ўйиндансўнг ўз фикрларини билдирди. 

«Менимча, жамоам бу мавсумда жуда яхши. Биз Чемпионлар Лигасида ва Испания Кубогида муносиб қатнашдик, Ла Лигада яхши ўйнаяпмиз.

Жамоам жуда яхши ўйнади. Биз жуда кучли ва муносиб рақибга 4:5 ҳисобида (икки ўйин натижасига кўра) ютқаздик. Яна курашишда давом этамиз. Бошқа ҳеч нарса ҳақида ўйламайман. Чемпионатни энг яхши ҳолатда якунлашга эътибор қаратишимиз керак.

Мен клуб ўсиб бораётганидан шубҳаланмайман. Бу мавсумда бир неча яхши футболчилар билан шартнома имзоладик. Улар юқори савияда ўйнашади. Сўзларимни қайтиб олмайман. 

Бугун биринчи бўлимни яхши ўтказдик, аммо рақиб гол урди. Иккинчи бўлимга ҳам жасорат билан чиқдик ва голга яқин эдик.

«Барcелона»нинг ўйинларини яхши кўраман. Бу ҳақда кўп гапирдим», — дея аргентиналик мутахассиснинг сўзларини келтиради Marca. 

Маълумот учун, Мадрид клуби 3 ҳафта ичида ЕЧЛ ва Испания Кубогини тарк этди, Ла Лигада эса пешқадамдан 9 очкога ортда қоляпти.