«Тоттенҳэм» бош мураббийи Анже Постекоглу АПЛ 30-туридан «Челси» (0:1) билан ўйиндан сўнг VARʼни ва ҳакамликни танқид қилди. 

Беллашувнинг 69-дақиқасида «шпорлар» яримҳимоячиси Папе Сарр рақиб дарвозасини ишғол қилди, аммо VAR сенегаллик футболчининг голини бекор қилди. Рақиб футболчиси Мойсес Кайседога нисбатан қўполлик ишлатилган деб топилди. 

«Тез орада сунъий интеллект ҳакамлик қила бошлайди, футболчиларни алмаштиради. Ўйинлар иштирокчиларсиз ўтади, ҳакамлар ўз ишларини қилишмайди...

VAR пайдо бўлганида, кимдир шундай микроскопик ечимларни хоҳлаганмиди? Мен буни ёқтирмайман, ҳеч қачон ёқтирмаганман», — дея «Тоттенҳэм» бош мураббийининг сўзларини келтиради Мигел Дилэйни.