«Реал»нинг ҳозирдаги асосий дарвозабони Андрей Лунин жароҳати сабаб бир ойгача майдонга тушмаслиги мумкин.

El Chiringuito маълумотига кўра, украиналик посбон «Реал Сосьедад»га қарши(4:4) Кубок баҳсида орқа оёқ мушакларини жароҳатлаб олган. Жамоа тиббий штаби Луниндек муҳим ўйинчини йўқотмаслик учун унга махсус уколлар орқали жароҳатга қарамай майдонга тушиш имконини бериш ҳақида ўйламоқда.

5-апрел куни «Реал» Ла Лигада «Валенсия» меҳмони бўлади. Дарвозабоннинг ушбу ўйинга тайёрлиги жума кунги машғулотдан сўнг аниқ бўлади.

AS журналисти Рубен Мартиннинг хабар беришича, 19 ёшли дарвозабон Фран Гонсалес «Қироллик клуби» сафида дебют қилиши ҳам мумкин.

Эслатиб ўтамиз, Жамоанинг асосий давозабони Тибо Куртуа Бельгия терма жамоаси йиғинида олган жароҳатидан тўлиқ тузалмади.