ESPN 21 ёшгача бўлган дунёнинг энг яхши футболчилари рейтингини эълон қилди. Унга кўра, «Барселона» вингери Ламин Ямал энг яхши ёш ўйинчи деб топилди.

Рейтинг юқори даражадаги иштирок, барқарор ўйин ва ривожланиш салоҳияти каби мезонлар асосида тузилган. Шунингдек, ESPN муаллифи бир нечта кўзга кўринган скаутлар, спорт директорлари ва скаутинг платформалари мутахассислари билан маслаҳатлашган.

Топ-10 ёш футболчилар:

1. Ламин Ямал («Барселона»)
2. Флориан Виртц («Байер»)
3. Жуд Беллингем («Реал»)
4. Пау Кубарси («Барселона»)
5. Жоау Невеш («ПСЖ»)
6. Уоррен Заир-Эмери («ПСЖ»)
7. Хави Симонс («РБ Лейпциг»)
8. Гави («Барселона»)
9. Александар Павлович («Бавария»)
10. Савио Морейра («Манчестер Сити»)

Шунингдек рўйхатга киритилмаган, аммо келажакда юлдузга айлана оладиган футболчилар эълон қилинди. Қувонарлиси унда ҳамюртимиз Абдуқодир Ҳусанов ҳам келтирилган. ESPNнинг тушунтиришича, ҳимоячилар ҳужумчиларга қараганда катта футболга кечроқ кириб келишади ва рўйхат тузилаётганда мана шу нарса ҳисобга олинган.