Ла Лига Олий спорт кенгаши (CSD)нинг Дани Олмо ва Пау Викторнинг рўйхатдан ўтказилишини бекор қилмаслик ҳақидаги қарорига қарши апелляция беришини маълум қилди.

Аввалроқ, «Барселона» ва футболчилар Ла Лига ҳамда Испания футбол федерацияси томонидан уларнинг мавсум охирига қадар рўйхатдан ўтказилишини рад этишга қарши апелляция берган ва CSD уларнинг даъвосини қаноатлантирган эди.

Ла Лига расмий баёнотида CSD қарори қонуний эмаслиги ва унинг «иқтисодий назорат ҳамда футболчиларни рўйхатдан ўтказиш қоидаларига зидлиги» таъкидланган.

«Ла Лига қонунийлик, рақобатдаги адолат ва қоидаларнинг объектив қўлланишига содиқлигини тасдиқлайди. Шу сабабли, бу қарорни қонуний деб ҳисобламайди ва уни дарҳол апелляция қилишини маълум қилади», – дейилади Ла Лига баёнотида.