Мадрид прокуратураси «Реал» бош мураббийи Карло Анчелоттини 4 йилу 9 ой қамоқ жазосига ҳукм қилишни сўради. У 2014-2015 йилларда 1,2 миллион евро миқдорида солиқ тўламаганликда айбланмоқда.

Шунингдек, италиялик мутахассисга 3,18 миллион евро жарима талаб қилинмоқда. Анчелотти кеча судда гувоҳлик берди. Унинг адвокати мураббийни оқлашни талаб қилди.

Ҳимоя тарафи Анчелоттининг солиқдан қочиш нияти бўлмаганини, у «Реал» ва маслаҳатчилари тавсиялари асосида иш тутганини айтмоқда. Шунингдек, 2021 йилда қарзни тўлиқ тўлаганини инобатга олишни сўрамоқда. Аммо прокурор бу ҳолатни енгиллаштирувчи омил сифатида қабул қилмаяпти.