«Барселона» бош мураббийи Ҳанс-Дитер Флик Испания Кубоги яримфиналидан ўрин олган «Атлетико»га (1:0) қарши ўйиндан кейин ўз фикрлари билан ўртоқлашди. 

«Натижадан хурсандман. Жамоам билан фахрланаман. Учрашувнинг иккала бўлимида ҳам ажойиб ўйин кўрсатдик.

Биринчи бўлимда тўпни назорат қилдик, вазиятлар яратдик ва кўпроқ гол уришимиз мумкин эди. Жамоа анча яхши ўйнай бошлади, биз тўғри йўлдамиз.

«Реал»га қарши ўйин ҳақида ўйламайман. Чунки олдимизда Ла Лига доирасида навбатдаги учрашув бор. Ўйинга уч кун қолди ва футболчиларнинг ҳолатини тиклашимиз керак. Ҳозирги тақвим вақтида машғулотлар кўпроқ тикланиш машқларига ўхшайди», – деди Флик.