«Галатасарай» бош мураббийи Окан Бурук Туркия кубогининг 1/4 финалидан кейин Жозе Моуринио билан содир бўлган вазият ҳақида гапирди. Учрашувда «Фенербаҳче» 2:1 ҳисобида ғалаба қозонганди. Ўйин тугаганидан сўнг португалиялик мутахассис Бурукнинг бурнини ушлаб олди.

«Мен билан Моуринио ўртасида жиддий ҳеч нарса содир бўлмади. У орқамдан келиб, бурнимни ушлади, натижада бурним бироз тирналди. Албатта, бу у томонидан қилинган жуда чиройли ва яхши ҳаракат эмасди.

Бундай вазиятларда мураббийлар ўзини анча тартибли тутгани маъқул. Мен бу воқеани катталаштиришни истамайман, лекин бу энг яхши иш тутиш усули ҳам эмасди», – деди Бурук BBC нашрига.