Габриэл Магаляэс жароҳат туфайли мавсум охиригача сафдан чиқди. 

«Арсенал» ҳимоячиси 1 апрел куни «Фулҳэм» (2:1) билан ўйинда сонининг орқа мушакларидан жароҳат олганди.

Клуб расмий сайтининг хабар беришича, бразилиялик 27 ёшли футболчи операция қилинади ва бу мавсумда бошқа ўйнамайди.

«Арсенал» кейинги икки ҳафта ичида «Реал»га қарши Чемпионлар Лигаси 1/4 финал  ўйинларини ўтказади. Шунингдек, Премер-лигада «Эвертон» ва «Брентфорд» билан баҳс юритади.

Бу мавсумда Лондон клуби жароҳат билан боғлиқ кўплаб муаммоларга дуч келмоқда.