«Реал»нинг бразилиялик ҳужумкор яримҳимоячиси Винисиус Жуниор Испания Кубоги тарихидаги энг яхши ассистент сифатида клуб рекордини ўрнатди.

24 ёшли футболчи «Реал Сосьедад» га қарши Испания кубоги ярим финали жавоб учрашувида (4:4) 2 та голли узатма амалга ошириб, умумий ассистлар сонини 12 тага етказди. Бу «Қироллик клуби» тарихида мутлақ рекорд ҳисобланади.

Ушбу натижа орқали Испания Кубогида ассист бўйича учинчи ўринга кўтарилди:
1 ўринда Лионель Месси бўлиб турибди. Унда 27 ассист мавжуд. Жорди Алба 15 ассист билан 2 ўринни банд этиб турибди.

Винисиуснинг жорий мавсумда 42 ўйинда 19 гол ва 14 ассист қайд этган.