«Манчестер Сити» ҳимоячиси Абдуқодир Ҳусановнинг «Лестер»га қарши бугунги учрашув қайдномасига киритилмагани сабаби маълум бўлди.

«Manchester Evening News» нашрининг «Манчестер Сити» бўйича журналисти Симон Бажковскининг ёзишича, ўзбекистонлик ҳимоячининг таркибда йўқлиги жароҳат билан боғлиқ эмас. Бу Гвардиоланинг таркибда ротацияга қўл ургани ва Ҳусановни «Юнайтед»га қарши ўйинга сақлагани билан боғлиқ.

«Манчестер Сити» ҳимоячиси Абдуқодир Хусанов «Борнмут»га қарши ўйиннинг биринчи бўлимида майдонни тарк этди ва «Лестер»га қарши учрашув таркибига киритилмади. Ўзбекистонлик ҳимоячи январ ойида «Ланс» клубидан келиб қўшилганидан буён ҳимояда асосий ўйинчилардан бирига айланганди, аммо Рууд ван Нистелрой бошқарувидаги жамоага қарши ўйинда Пеп Гвардиола томонидан таркибга киритилмади.

Ҳусановнинг йўқлиги жароҳат сабабли эмас. Бу Гвардиоланинг таркибда ротацияга қўл ургани билан боғлиқ. Марказий ҳимоячи Англия Кубогида «Борнмут»га қарши ўйинда биринчи бўлимда сариқ карточка олганидан сўнг, эҳтиёт чораси сифатида иккинчи бўлимда алмаштирилган эди», - дейилади хабарда.

Маълумот учун, «Сити»ни навбатдаги турда 6 апрел куни «Манчестер Юнайтед»га қарши дерби кутиб турибди.