«Манчестер Юнайтед»нинг «Ноттингем Форест»га қарши 0:1 ҳисобидаги мағлубиятидан сўнг, 73 ёшли мезбонлар афсонаси Мартин О'Нил Доргунинг ўйинини қаттиқ танқид қилди.

Доргу учун ушбу ўйин «Юнайтед» сафидаги еттинчи баҳс эди ва футболчи унда жуда кучсиз ўйин кўрсатди. О’Нил TNT Sports телеканалидаги чиқишида ирландиялик футболчининг ҳаракатларини кескин танқид қилди:

«Улар бугун Доргуни ўйинга қўйишди. У қилган ишни мен ҳам қила олардим! У қанотда тўп билан бўлганда, мен ўзимга: «Ҳой, олға юришинг керак, рақибни алдашинг керак!» деяпман. Аммо у иккинчи бўлимнинг дастлабки 10 дақиқасида тўпни уч марта рақибга «совға қилди»! Балки у ишончсиз ўйнаётгандир, билмайман. Аммо «Манчестер Юнайтед» майдонда шундай ҳолатларни жуда кўп такрорлаяпти», – деди О'Нил.

Унинг фикрича, бугунги «Манчестер Юнайтед» Премьер-лигада жиддий рақобатчи бўлишга етарли даражадаги таркибга эга эмас:

«Ҳа, уларда яхши футболчилар бор. Масалан, Бруну Фернандеш – юқори даражадаги ўйинчи. Аммо жамоа етакчи ўринлар учун кураша олиши учун етарли кучга эга эмас. Агар биз «Манчестер Юнайтед» ҳақида гапираётган бўлсак, демак, топ-4га кириш масаласини назарда тутяпмиз», – дея қўшимча қилди у.