«Манчестер Юнайтед» бош мураббийи Рубен Аморим жамоасининг АПЛнинг 30-турида «Ноттинҳем Форест»га қарши кечган ўйиндаги "мағлубияти" (0:1) борасида фикр билдирди.

«Рақибнинг эрта голи уларга ўз услубида ўйнаш имкониятини берди. Биз майдоннинг сўнгги учдан бир қисмига тез-тез кириб бордик, аммо маҳорат етишмади. Менимча, бизга омад ҳам етишмади, чунки бир неча яхши имкониятлардан фойдалана олмадик», — деб сўзларини келтирмоқда «МЮ» матбуот хизмати.

Ўйиндаги ягона голни «қизил иблислар» собиқ футболчиси Энтони Эланга киритди (5-дақиқада).

Айни пайтда «Манчестер Юнайтед» АПЛ жадвалида 37 очко билан 13 ўринда бормоқда. «Ноттинҳем Форест» кечаги ғалабадан сўнг 57 очко билан 3 ўринда мустаҳкам жойлашган.