«Ан-Наср» ҳужумчиси Криштиану Роналду мавсум якунлангандан сўнг Саудия клубини тарк этиши мумкин. Аввалроқ португалиялик юлдузнинг «Реал» ёки «Интер» сафига ўтиши мумкинлиги ҳақида маълумотлар пайдо бўлган эди.

Бироқ Tuttosport хабарига кўра, «нерадзуррилар» футболчига қизиқиш билдирмаяпти. Чунки клубнинг бош ижрочи директори Жузеппе Маротта Роналдуни трансфер қилиш молиявий жиҳатдан мураккаб эканини таъкидлаган.

Жорий мавсумда португалиялик ҳужумчи барча турнирларда 33 та ўйинда майдонга тушиб, 28 гол ва 4 ассист қайд этди. Унинг «Ан-Наср» билан амалдаги шартномаси 2025 йил ёзига қадар мўлжалланган.

Transfermarkt маълумотига кўра, Роналдунинг бозор қиймати €12 млн ни ташкил этади.