Испания кубоги дастлабки яримфинал жавоб ўйини доирасида Мадридда бўлиб ўтган «Реал» ҳамда «Реал Сосиедад» ўртасидаги баҳс голларга бой ўтди.

Дастлабки учрашувда Мадрид клуби минимал ҳисобда зафар қучган ва бу баҳсда камида ўша устунликни сақлаб қолса, финалга йўлланма оларди. Учрашувда Барренечеа ҳисобни очган бўлса, Эндрик 30-дақиқада фарқни тенглаштирди – 1:1.

72-дақиқада Алаба ўз дарвозасига гол киритиб қўйган бўлса, 80-дақиқада Оярсабал «Реал Сосиедад»ни финалга олиб чиқадиган натижани қайд этди – 3:1.

Аммо мадридликлар тезда вазиятни ўнглашди – дастлаб Беллингҳем, тўрт дақиқа ўтиб 86-дақиқада Чуамени гол уриб, ҳисобни жанговар дурангга айлантирди – 3:3.

Бу натижа Мадрид клубини финалга олиб чиқарди. Аммо қўшиб берилган дақиқаларнинг учинчисида Оярсабал дублини нишонлаб, ўйиннинг қўшимча бўлимларга ўтишини таъминлади – 3:4, умумий натижа эса 4:4га айланганди.

Кўпчилик жамоаларнинг пеналтилар сериясига ўтишини кутаётган бир пайтда учрашувнинг 115-дақиқасида Арда Гулернинг узатмасидан сўнг Антонио Рюдигер Мадрид жамоасини финалга олиб чиқадиган гол муаллифига айланди – 4:4. Умумий ҳисоб эса 5:4га айланганди.

Шу тариқа, «Реал» дастлабки финалчига айланди. Иккинчи финалчи номига эртага «Атлетико» ва «Барселона» ўртасидаги баҳсдан кейин ойдинлик киритилади.

Испания кубоги. Яримфинал

Жавоб учрашуви. 1 апрел

Реал Мадрид – Реал Сосиедад – 4:4 (Умумий ҳисоб – 5:4)

Голлар: Эндрик 30, Беллингҳем 82, Чуамени 86, Рюдигер 115– Барренечеа 16, Давид Алаба 72 автогол, Оярасабал 80, 90+3.

«Реал Мадрид»: Лунин, Асенсио, Алаба (Рюдигер, 90), Васкес (Модрич, 79), Чуамени, Валверде, Беллингҳем, Камавинга (Фран Гарсия, 90), Родриго, Винисиус, Эндрик (Мбаппе, 66).

«Реал Сосиедад»: Ремиро, Муньос, Субелдия, Арамбуру (Траоре, 79), Агерд (Элустондо, 27), Субименди, Кубо, Сучич, Марин (Оласагасти, 90), Барренечеа (Серхио Гомес Мартин, 68), Оярсабал.

Биринчи ўйин – 1:0.