ФИФА президенти Жанни Инфантино 2026 йилда ўтказиладиган Жаҳон чемпионати ва АҚШнинг Супербоул мусобақаси(америкача футбол) ўртасидаги улкан фарқни айтиб ўтди.

FOX Sports билан суҳбатда ФИФА президенти ЖЧ томошабинлари сони бўйича 104 та Супербоулга тенг эканлигини ва буни бир ой ичида амалга ошириш мумкинлигини таъкидлади:

«Таъсир бутун дунё бўйлаб бўлади. Супербоул — бу ажойиб мусобақа. Унда тахминан 120-130 миллион томошабин бор. Жаҳон чемпионатида эса бир ой ичида 6 миллиард томошабин бўлади. Демак, битта ЖЧ — бу 104 та Супербоул дегани. Ҳар куни 3 та Супербоулга тенг бўлган ўйинлар бўлади. Агар дунёда энг кучли миллий чемпионат мавжуд бўлса, бу ҳар ҳафта такрорланиши мумкин».

Клублар ўртасидаги жаҳон чемпионати ҳам янгича форматда ўтказилади. 2026 йилги мундиал олдидан АҚШ биринчи марта Клублар ўртасидаги ЖЧга мезбонлик қилади.

Янги форматдаги мусобақанинг умумий мукофот пули 1 миллиард доллар бўлиб, 32 та жамоа иштирок этади. Бу турнир Шу йилнинг 14 июн-13 июл кунлари ўтказилади.