Пеп Гвардиола «Ман Сити»нинг чипта сиёсатига қарши чиққан мухлисларни қўллаб-қувватлади. Бу ҳақда Daily Mail хабар бермоқда.

Чипта сотувига қарши норозилик аксияси «Лестер»га қарши ўйинда ўтказилиши кутилмоқда.

«Футбол клублари одамларга тегишли ва агар улар клубнинг айрим қарорларидан норози бўлишса, ўз хавотирларини билдириш ҳуқуқига эга. Клуб уларни эшитишга тайёр бўлиши керак ва келишувга эришиш лозим.

Тасаввур қилинг, стадионга борганингизда, у ерда мухлислар йўқ. Бу ахмоқлик бўлади. Агар мухлислар бўлмаса, ишимизда маъно йўқолади.

Албатта, мен уларга ҳамдардман. Улар ўз фикрларини аниқ ва очиқ ифодалашга ҳақли. Клуб бу вазиятни эътибордан қочирмаслиги керак», — деди Пеп Гвардиола.