«Интер» бразилиялик ўнг вингер Луис Энрикенинг трансферига қизиқиш билдирмоқда.

Sky Sport Italia хабарига кўра, «Марсель» клуби у учун 30 млн евро талаб қилмоқда. Манбанинг маълумотига кўра, клублар ўртасидаги ўзаро яхши муносабатлар ушбу келишув амалга ошишига туртки бўлиши мумкин.Чунки аввалроқ «Интер» футболчилари Валентин Карбони ва Хоакин Корреа «Марсель»га ижара асосида ўтганди.

Шунингдек, Луис Энрике учун «Бавария» рақобат қилиши мумкин. Немис клуби ҳам унга қизиқиш билдирмоқда.

Энрике 2020 йил сентябридан буён «Марсель»га тегишли бўлиб, у Франция клубига «Ботафого»дан 8 млн евро эвазига ўтган. 2022 йил июлдан 2023 йил декабргача у ижара асосида яна «Ботафого» сафида тўп сурган.