«Кристал Пэлас» ҳужумкор яримҳимоячиси Эберечи Эзе ёзда жамоасини алмаштириши мумкин.

TeamTalk хабарига кўра, 26 ёшли футболчи хизматига «МЮ» ва «Тоттенҳэм» жамоалари жиддий қизиқиш билдирмоқда. Хусусан, «қизил иблислар» бош мураббийи Рубен Аморимнинг фикрича, Эзе унинг жамоаси ўйин услубига мос тушади.

Шунингдек, «Тоттенҳэм» ҳам ушбу футболчини сотиб олиш бўйича расмий таклиф тайёрламоқда. Яримҳимоячининг Transfermarkt порталига кўра қиймати 55 миллион еврони ташкил этади.

Жорий мавсумда Эберечи Эзе «Кристал Пэлас» сафида барча мусобақаларда 34 ўйин ўтказиб, 6 гол ва 9 ассист  муаллифи бўлди. Унинг клуб билан амалдаги шартномаси 2027 йил ёзигача мўлжалланган.

Аввалроқ, Аморим мавсум якунлангач собиқ шогирдини «МЮ»га олиб келмоқчи экани айтилганди.