«Челси» дарвоза чизиғини мустаҳкамламоқчи. 

TeamTalk хабарига кўра, Лондон клуби бош мураббийи Энцо Мареска Роберт Санчес ва Филип Йоргенсендан норози, клубга янги дарвозабон билан шартнома имзолаш зарурлиги ҳақида маълум қилган.

Италиялик мутахассис «Торино» посбони Ваня Милинкович-Савични ўз жамоасига кўришни истамоқда.

Сербиялик 28 ёшли посбоннинг туринликлар билан шартномасида кўрсатилган товон пули 20 миллион еврони ташкил этади.

Аввалроқ, «Челси» ёзда «Барселона» ҳимоячисини ҳам сотиб олишни мақсад қилгани ҳақида хабар берилганди.