«Манчестер Сити» 2009-2018 йиллар оралиғида Англия Премер-лигасидаги 115 та молиявий қоидабузарликлар билан боғлиқ суд жараёнларида иштирок этмоқда.

The Sun хабарига кўра, «шаҳарликлар» тергов давомида юридик хизматлар учун қилган ҳаражатлари 36,7 млн еврони ташкил этган.

Бу City Football Group компаниясининг Newton Investment and Management номидан қилган ҳаражатлари бўйича эълон қилган молиявий ҳисоботида кўрсатилган.

Маълумот учун, Newton Investment and Management Абу-Даби компанияси бўлиб, «Ман Сити» эгаси Шайх Мансурга тегишли. У City Football Group компаниясининг асосий улушига эгалик қилади.

Аввалроқ, клуб «Этиҳад» стадионида тўртинчи анъанавий ифторлик маросимини ўтказганди.