«Интер Майами» ҳужумчиси Луис Суарес «Барселона» бош мураббийи Ҳанс-Дитер Фликни мақтади.

«Фликнинг «Барса»си менга жуда ёқмоқда. Жамоа самарали ва юқори савияда ўйнамоқда.

Жамоада иккита ҳал қилувчи футболчилар бор: Педри ва Ламин Ямал. Рафиня ва Левандовски каби яна икки нафар муҳим футболчилар бор, лекин Педри ва Ямал бошқа даражада ўйнамоқда», - дея уругвайлик футболчининг сўзларини келтиради Mundo Deportivo.

Эслатиб ўтамиз, Луис Суарес 2014-2020 йилгларда «Барселона» сафида тўп сурган. Шу давр мобайнида у барча турнирларда 283 ўйинда қатнашиб, 195 гол ва 113 та ассист қайд этган.

Аввалроқ, Суарес ўз жонига қасд қилмоқчи бўлган одамни қутқаришда қатнашганди.