«Барселона» бош мураббийи Ҳанс-Дитер Флик  «Атлетико»га қарши Испания кубоги яримфинал жавоб ўйинидан олдин ўз фикрлари билан ўртоқлашди.

«Ҳаммаси бошқача бўлади. Финал олдидан финал. Мен ва жамоам эса финалга чиқишни истайди. Ҳозирда шогирдларим кўрсатаётган футболдан мамнунман ва финалга чиқиш учун қаттиқ меҳнат қиламиз.

Аллақачон Суперкубокни қўлга киритдик, аммо бу ўтмишда қолди. Эндиликдаги мақсадимиз Испания кубогига йўлланма олиш, бу осон бўлмайди. Чунки «Атлетико»да ажойиб мураббий бор ва улар ўз ўйин услубига ишонишади. Рақиб ҳам мақсадари сари охиригача курашади.

Ҳар доимо олдинга қараб интилишимиз ва ҳаракатдан тўхтаб қолмаслигимиз шарт. Жамоамга тўлиқ ишонаман. Футболда унвонлар доимо муҳим, лекин биз кўрсатаётган футболдан ҳамма мамнун эканлигига шубҳам йўқ», — дея германиялик мутахассиснинг сўзларини келтиради AS.

Эслатиб ўтамиз, бу жамоаларнинг илк учрашувида 4:4 ҳисоби қайд этилганди.