«Бетис» яримҳимоячи Иско Ла Лига навбатдаги турида «Барселона»га қарши майдонга туша олмайди. У сариқ карточкалари кўпайиб кетгани сабаб дисквалификация қилинди. 

Испаниялик футболчи «Севиля» билан бўлиб ўтган беллашувнинг 57-дақиқасида ҳакам томонидан огоҳлантирилди. Бу унинг мавсумдаги 5-сариқ карточкаси эди. 

Маълумот ўрнида, «Бетис»нинг «Барселона»га қарши ўйини 5-дан 6 апрелга ўтар кечаси 00:00 да бошланади. Айни вақтда андалусияликлар 47 очко билан 6-поғонани банд этиб турибди.

Аввалроқ Иско Ла Лигада март ойининг энг яхши футболчиси деб топилганди.