«Бавария» раҳбарияти жорий мавсум охирида шартномаси тугайдиган Томас Мюллернинг келажаги бўйича келиша олишмаяпти.

TZ хабарига кўра, Мюнхен клубининг Ули Хёнес иштирокидаги кузатув кенгаши Мюллернинг келаси ёзда жамоани тарк этишини истамоқда.

Клуб яримҳимоячи Жамол Мусиала, ҳимоячилар Алфонсо Девис ва Жошуа Киммихлар билан шартнома узайтирилгач, Мюллернинг маоши тежамкорлик сифатида кўрилмоқда.

Ўз навбатида, «Бавария» директори Макс Эберл 35 ёшли яримҳимоячига келажаги борасида ўзи қарор қабул қилишига имкон бермоқчи эканлигини маълум қилган.

Клуб раҳбарияти ва футболчи ўртасида музокаралар давом этмоқда. Эҳтимол, Мюллер «Бавария»ни клублар ўртасидаги жаҳон чемпионатидан кейин тарк этиши мумкин.

Аввалроқ, 35 ёшли футболчига МЛС клублари қизиқиш билдираётгани ҳақида хабарлар тарқалганди.