«Манчестер Юнайтед» собиқ ҳужумчиси Уэйн Руни ёзда «Реал»га ўтиши кутилаётган Трент Александер-Арнолд борасида ўз фикрларини билдирди.

«Трент аллақачон 26 ёшда ва «Ливерпул» билан шартномаси мавсум якунида тугайди. Ҳозирда у чорраҳада қайси томон ҳаракатланишни билмай турган йўловчига ўхшайди.

Унга қадрдон жамоаси янги шартнома таклиф қиляпти. У эса шартномани узайтириб, келажагини шу клубга бағишлайди ёки «Реал»га ўтади. Чунки мадридликар жиддий қизиқиш билдирган.

Нега у «Ливерпул»ни тарк этиши керак? Лекин гап «Реал» ҳақида кетяпти. Мадрид клуби дунёнинг энг буюк ва энг яхши жамоаси, бундай таклифни қўлдан чиқариш кечириб бўлмас хато бўлиши мумкин. Қисқаси, Трент бу имкониятни қўлдан чиқармаслиги керак.

Масаланинг иккинчи томони шундаки, «Ливерпул» – унинг иккинчи уйи. «Энфилд»ни тарк этиш осон эмас. Аммо шундай вақтлар келади, келажагингизни ўйлаб, ҳаётингиздаги энг қийин ва муҳим қарорни  қабул қилишга мажбур бўласиз», - дея собиқ футболчининг сўзларини келтиради ВВС.

Аввалроқ «Ливерпул» Трент ўрнига аллақачон икки футболчи вариантини кўриб чиқаётгани борасида хабар берилганди.