Уэйн Руни 2010 йилда «Манчестер Юнайтед»дан «Реал»га ўтиш имконияти бўлгани, аммо бу ўтиш амалга ошмагани сабабини айтди.

«2010 йилда «Манчестер Юнайтед»га янги шартнома имзоламоқчи эмаслигимни айтганимда, учта клуб менга қизиқиш билдирганди.

Кўпинча, «Манчестер Сити» ҳам қизиққан дейишади, лекин бу вариант аслида ҳеч қачон кўриб чиқилмаган. Менга «Челси», «Реал» ва «Барселона»дан таклифлар тушганди.

Ўша пайтда мен Испанияга кўчиб ўтишга тайёр эдим – музокаралар ҳам олиб борилган. Бир неча кун давомида «Реал» билан келишув энг яқин эҳтимолий вариант эди, лекин мен кўпроқ «Барселона» ҳақида ўйлардим.

Ўзимни Лионел Месси, Андрес Иниеста, Хави ва Бускетс билан бир жамоада қандай ўйнашим мумкинлигини тасаввур қилардим. Бу ҳамманинг орзуси эди. Аммо ўтиш амалга ошмаган», - деди Руни BBC билан суҳбатда.

Эслатиб ўтамиз, англиялик собиқ ҳужумчи «МЮ»даги фаолиятидан кейин 2017 йилда «Эвертон»га қайтган, сўнг АҚШнинг «Ди Си Юнайтед», Англиянинг «Дерби Каунти» клубларида тўп сурганди.