«Манчестер Юнайтед» «Барселона»нинг чап қанот ҳимоячиси Алехандро Балдега жиддий қизиқиш билдирмоқда.

TeamTalk хабарига кўра, «қизил иблислар» Балдега йилига 12 млн. евродан ортиқ маош таклиф қилмоқчи. Агар ушбу келишув амалга ошса, 21 ёшли футболчи дунёдаги энг кўп маош олувчи ҳимоячига айланади.

Футболчининг ўзи «Барселона»ни тарк этиш ниятида эмас. Ўз навбатида испан клуби ҳам чап қанот ҳимоячисини жамоада сақлаб қолишни режалаштирган. Футболчининг клуб билан шартномаси 2028 йилнинг ёзига қадар мўлжалланган.

Футболчи жорий мавсум 39 та учрашувда майдонга тушди. Унинг ҳисобида 1 та гол ва 8 та голли узатма бор.