«Аталанта» бош мураббийи Жан-Пиеро Гасперини А Серия 30-туридан ўрин олган «Фиорентина»га (0:1) қарши ўйиндан сўнг ўз фикрлари билан ўртоқлашди. 

«Ўйлайманки, биз биринчи бўлимда «Фиорентина»дан яхшироқ ўйнадик, аммо танаффус олдидан қўпол хатога йўл қўйдик, бундан эса рақиб унумли фойдаланди.

Бу мағлубиятдан кейин тўхтаб қолмаслигимиз керак. Чунки «Атанланта»ни яна 8 та финалга тенг ўйинлар кутиб турибди. Шундан 5 тасини уйда мухлисларимиз қаршисида ўтказамиз. «Фиорентина»га ютқазган бўлсак-да, чемпиолик пойгасидан чиқиб кетганимиз йўқ. Кўплаб жамоалардан олдинда боряпмиз. Қолган ўйинларда ғалабага бўлган ҳарактеримизни кўрсатишимиз шарт», — дея италиялик мутахассиснинг сўзларини келтиради Football Italia.

Эслатиб ўтамиз, «Аталанта» А Серия 30-туридан кейин 58 очко билан 3-ўринда бормоқда. Пешқадам «Интер» ҳисобида 67 очко мавжуд. 2-ўриндаги «Наполи»нинг очколари сони эса 61 очкони ташкил этмоқда.