«ПСЖ» Франция чемпионатининг 27-турида меҳмонда «Сент-Этиен»ни (6:1) тор-мор этди.

Натижада Париж клубининг Лига 1да сафар ўйинларидаги мағлубиятсиз серияси 38 ўйинга етди — 30 ғалаба, 8 дуранг. 

Бу натижа орқали Луис Энрике шогирдлари топ-5 лигада «Милан»нинг 1991-1993 йиллардаги рекордини такрорлашди. Ўшанда «россонери» ҳам меҳмонда қаторасига 38 та баҳсда ютқазмаганди.

«ПСЖ» навбатдаги сафар баҳсини 22 апрел куни «Нант»га қарши ўтказади ва ўша беллашувда ҳам мағлуб бўлмаса, мутлақ рекордчига айланади.