Ўзбекистон миллий жамоаси собиқ ҳимоячиси Виталий Денисов «оқ бўрилар»нинг жаҳон чемпионатига чиқишга яқинлиги ҳақида гапирди. 

«Ўзбекистоннинг натижаларига ҳозирча муносабат билдиришга ҳожат йўқ. Иш тугадими? Йўқ. БААга қарши ўйинда барчага яхши жамоа ва ажойиб авлод етишиб чиққанини кўрсатиш учун ажойиб имконият бор. Биз ўзимизни намойиш қилишимиз, сафарда яхши ўйин кўрсатишимиз керак. Ва дуранг учун ўйнамаслик керак — фақат ғалаба учун. Ғалабани қўлга киритиб, жаҳон чемпионатига чиқишимиз ва хотиржам байрам қилишимиз керак.

Жаҳон чемпионатига чиқиш — бу энг азалий орзу. Ушбу йўлланма учун неча йил курашганмиз ва ҳозир жуда яхши имконият бор», — дейди 38 ёшли собиқ футболчи Championat журналисти Владимир Четверикка берган интервюсида. 

Эслатиб ўтамиз, Ўзбекистон ЖЧ-2026 саралаши 3-босқичи якунига икки тур қолганида 17 очко билан 2-ўринни эгаллаб турибди. Темур Кападзе жамоаси мундиалга чиқиш учун қолган икки ўйинда БАА (5 июн) билан дуранг ўйнаши ёки ютқазган тақдирда Қатарни (10 июн) мағлуб этиши керак.