«Ливерпул» ёзда жамоани тарк этиши кутилаётган Трент Александер-Арнолд ўрнига аллақачон номзодларни ўрганиб чиқмоқда. 

Ҳозирда клуб раҳбарияти у билан шартномани узайтириш иложсиз эканини тушуниб турибди. Шу боис, унинг ўрнини тўлдира оладиган муносиб вариантлар сараланяпти. 

Маълумотларга кўра, Арне Слот ўнг қанот ҳимоясига «Ювентус» вакили Андреа Камбияссо ва «Байер» аъзоси Жереми Фримпонгни жалб қилиши кутилмоқда. 

Айни дамда «Ливерпул» 70 очко билан АПЛда пешқадам бўлиб турибди. 2-ўриндаги «Арсенал» ҳисобида 58 очко мавжуд.