Лига 1 27-турида пешқадам «ПСЖ» сафарда «Сент-Этиен»га 6 та гол уриб, чемпионлик масаласини деярли ҳал қилди. 

Париж клуби очколарини 71 тага етказиб, ушбу турда «Реймс»га ютқазиб қўйган 2-ўриндаги «Марсел»ни (49) 22 очкога ортда қолдирмоқда. Демак, Де Зерби жамоаси  қолган 7 та турда ғалаба қозонса ҳам, Энрике шогирдларига ета олмайди. 

Агар 47 тадан очкоси бор «Монако» ва «Ницца» ўртасдаги баҳс дуранг билан якунланса, «ПСЖ» бугуннинг ўзидаёқ чемпионга айланади. Аксинча, қайсидир жамоа ғалаба қозонса, пойтахт жамоасига кейинги турда 1 очко ҳам кифоя қилади. 

Лига 1. 27-тур. 29 март
Сент-Этиен — ПСЖ 1:6
Голлар: Стассин (9) — Рамуш (43, пеналти), Кварацхелия (50), Дуэ (53, 66), Невеш (62), Мбайе (90). 
Сент-Этиен — Ларсоне, Макон (Аппиа, 90), Батубинсика, Над, Петро, Элимби, Бушуари, Тарде (Мутон, 63), Кардона (Муффек, 78), Стассин (Важи, 78), Давиташвили (Олд, 63). 
ПСЖ — Сафонов, Заир-Эмери (Витиня, 57), Бералдо (Кимпембе, 78), Пачо (Мендеш, 64), Эрнандес, Невеш, Руис, Барколя, Кварацхелия (Дембеле, 64), Дуэ, Рамуш (Мбайе, 78). 

Реймс — Марсел 3:1
Голлар: Накамура (29), Диахон (51), Эдоа (68) — Ронже (78).
Реймс — Диуф, Бута (Ҳироки, 73), Окуму, Кипре, Акиеме, Гбане, Эдоа, Коне (Патрик, 73), Диахон (Иброҳим, 59), Дзюня, Накамура. 
Марсел — Рулли, Лирола (Бинносир, 46), Балерди (Мопе, 34), Энрике, Кондогбиа (Роу, 79), Ронже, Мерлин (Дедич, 46), Гринвуд, Рабио, Гуири (Гарсия, 79).