Франция терма жамоаси ва «Барселона»нинг қанот ҳимоячиси Жюл Кунде фаолиятини Англия Премер-лигасининг топ-клубларидан бирида давом эттириши мумкин. Football-Espana журналисти хабарига кўра, «Челси«» франциялик футболчини таркибига қўшиб олишга қизиқмоқда. Лондон клуби раҳбарияти ушбу трансферни амалга ошириш учун барча чораларни кўрмоқчи.

Бироқ «Барселона» Кундени қўйиб юборишни истамаяпти ва унга янги шартнома таклиф қилишни режалаштирмоқда.

Жорий мавсумда Ла Лигада Жюл Кунде 28 та ўйин ўтказиб, 2 та гол урди ва 3 та голли узатма берди. Унинг клуб билан амалдаги шартномаси 2027 йил ёзигача мўлжалланган.