Андони Ираола «Тоттенҳэм»да Анже Постекоглунинг ўрнини эгаллаши мумкин. 

New York Timesʼнинг ёзишича, «шпорлар» испаниялик 42 ёшли мутахассисни бош мураббийликка асосий номзод сифатида белгилашган, аммо у билан шартнома имзолаш учун «Борнмут»га 12 миллион евро миқдорида компенсация тўлашга тўғри келади.

Манбага кўра, Ираола «Тоттенҳэм» шорт-листида «Брентфорд» устози Томас Франкдан юқорида. Яна бир номзод — «Фулҳэм»дан Марку Силва. 

Хабар қилинишича, Ираоланинг ўзи мабодо «Реал»дан таклиф бўлса, «Тоттенҳэм» таклифини рад этиши мумкин.