Ферран Торрес самарадорлик борасида топ-5 лигадаги энг яхши мавсумини ўтказмоқда. 

«Барселона» ҳужумчиси Ла Лига 27-туридан ўрин олган «Осасуна»га қарши (3:0) ўйинда гол урди. 

Ферраннинг бу мавсумдаги очколари 17 тага етди — 14 гол ва 3 ассист. 25 ёшли испан топ-5 лигада ўтказган аввалги 9 мавсумида бундай натижа қайд эта олмаганди.

Эслатиб ўтамиз, ҳужумчи фаолияти давомида «Валенсия» ва «Манчестер Сити»да ҳам ҳаракат қилган.