Фигурали учиш бўйича Ўзбекистон миллий жамоаси аъзолари Дмитрий Чигирев ва Екатерина Гейниш Милан-Кортина-2026 қишки Олимпия ўйинлари лицензиясига эга чиқишди, деб хабар беради МОҚ матбуот хизмати. 

Ўзбекистонлик жуфтлик АҚШнинг Бостон шаҳрида ўтаётган жаҳон чемпионатида эркин дастурда 120.68 ва умумий ҳисобда 183.01 балл жамғарди. Якунда 10-натижа билан 4 йилликнинг энг нуфузли мусобақаси йўлланмаси қўлга киритилди.

Эслатиб ўтамиз, Чигирев ва Гейниш жуфтлиги бунгача Ўзбекистонга 26 йил кутилган қишки Осиё ўйинлари олтин медалини келтирганди.