Белгия миллий жамоасининг собиқ ҳимоячиси Ян Вертонген мавсум охирида фаолиятини якунлашини эълон қилди.

37 ёшли футболчи охирги мавсумини «Андерлехт»да ўтказмоқда. 

Вертонген фаолияти давомида «Аякс», «Тоттенҳэм» ва «Бенфика» каби клубларда ҳам ўйнаб, жами 880 та баҳсда майдонга тушган. У икки марта Нидерландия чемпионлиги ва мамлакат кубогини қўлга киритган. Шунингдек, Португалия чемпионатида ҳам зафар қучган. 

Ҳимоячи Белгия миллий жамоаси билан ЖЧ-2018да бронза медалига сазовор бўлган.