Осиёда ЖЧ-2026 саралаш босқич 8-тури доирасидаги баҳслар давом эттирилмоқда.

Япония Саудия Арабистони учрашувидан (0:0) кейин В ва С гуруҳларида навбатдаги ўйинлар якунига етди.

В гуруҳи пешқадами Жанубий Корея кетма-кет учинчи ўйинида ғалабага эриша олмади. Сон Ҳён Мин етакчилигидаги корейслар бу сафар Иордания билан баҳсда ғалабани қўлдан чиқарди – 1:1. Шу тариқа, Жанубий Корея 16 очко билан ЖЧ-2026 йўлланмасини ҳамон нақд қила олмаяпти.

Иордания эса 13 очко билан 2-ўринда бўлса, 12 очкога эга Ироқ ўз ўйинини бугун Фаластинга қарши ўтказади.

С гуруҳидаги иккинчи йўлланмага даъвогар Австралия эса Хитойни сафарда 2:0 ҳисобида мағлуб этди ва 13 очко билан 2-ўринда бормоқда. Хитой эса 6 очко билан гуруҳда сўнгги поғонадан жой олган.

ЖЧ-2026 саралаши. 8-тур. В гуруҳи

Жанубий Корея – Иордания – 1:1

Голлар: Ли Же Сон 5 – Маҳмуд Ал-Марди 30

ЖЧ-2026 саралаши. 8-тур. С гуруҳи

Хитой – Австралия 0:2

Голлар: Ирвин 16, Нишан 29.