«Манчестер Юнайтед» мухлислари клубнинг ушбу мавсумда қайд этаётган натижаларидан норози. 29 март куни «Fc United» ва «The 1958» мухлислар гуруҳи клуб раҳбариятига қарши биргаликда норозилик акциясини ўтказишни режалаштирган. Бу ҳақда The Guardian нашри хабар бермоқда.

«United United Day» деб номланган норозилик акцияси узоқ йиллардан бери мавдуж бўлган жамоа ва мухлислар ўртасидаги биринчи қўшма йирик ҳаракат бўлади. Ушбу мухлислар жамоаси клубни 500 миллион фунт стерлинг қарзга олиб келган янги раҳбарлар сиёсатига ўз норозилигини билдириш ниятида.

Оммавий ҳаракат «қизил иблислар»нинг мамлакатнинг еттинчи дивизион вакили «Стоктон»га қарши уй учрашувида содир бўлиши кутилмоқда.

«МЮ»нинг узоқ йиллик собиқ раҳбарлари Глейзерлар оиласи саналади. Катта Глейзер 2014 йил май ойида вафот этгач, унинг 6 нафар фарзанди бошқарувга киришганди. Ўтган йили сэр Жим Рэтклифф жамоанинг 28,94 фоиз улушини сотиб олган ҳолда энг йирик индивидуал акциядорлардан бирига айланди. «Юнайтед»нинг қарзи тахминан 730 миллион фунтни ташкил қилади. Шунингдек, клуб сўнгги 3 йил ичида 300 миллион фунт стерлинг маблағ йўқотди.

Х тармоғида «The 1958» мухлислар гуруҳи шундай маънодаги пост қолдирган: «Бизнинг мухлислар жамоамиз жуда узоқ вақтдан бери бўлинган ҳолда фаолият юритади. Ҳаммани ягона мақсад остида бирлаштириш вақти келди. Бизга қўшилинг, баннерларингизни, байроқларингизни ва овозларингизни олиб чиқинг».

Эслатиб ўтамиз, «Манчестер Юнайтед» мухлислар гуруҳи аввал ҳам «Олд Траффорд» яқинида бир неча бор норозилик намойишларини ўтказишган эди. 

Айни дамда «қизил иблислар» АПЛ турнир жадвалида 13-ўринни банд этган.