ЖЧ-2026 саралаш босқич 8-тури доирасидаги Ўзбекистонга қарши учрашувда қўлга киритилган бир очко (2:2) Эрон миллий жамоасини мундиалга олиб чиқди.

Форслар гуруҳ босқичи якунига икки тур қолганида очколари сонини 20тага етказишди ва ЖЧ-2026 йўлланмасини берадиган А гуруҳи дастлабки икки ўриндан бирини нақд қилишди. Шу тариқа, Эрон 2026 йилга жаҳон чемпионатига чиққан 6-миллий жамоага айланди.

Бунгача мезбонлар – АҚШ, Мексика, Канададан ташқари, Осиёдан Япония, Океаниядан эса Янги Зеландия ЖЧ-2026 иштирокчисига айланганди. Эрон бу борада Осиёнинг иккинчи жамоаси бўлди.

Ўзбекистон жаҳон чемпионатига йўлланма оладиган Осиёнинг 3-жамоасига айланиши мумкин.