«Ювентус» директори Тиаго Моттага уни клубга таклиф қилганидан уятда эканлигини айтган. 

Кеча, 23 март куни Турин клуби 42 ёшли мутахассиссни бош мураббийликдан истеъфога чиқарди. Унинг ўрнини Игор Тудор эгаллади.

La Gazzetta dello Sport ёзишича, «Фиорентина»дан учралган 0:3 ҳисобидаги мағлубиятдан кейин «Ювентус» спорт директори Кристиано Жунтоли Моттага «Сени танлаганимдан уятдаман», — деган. 

Манбага кўра, ўша вазиятда мураббий ўзини хотиржам тутган.

Таъкидланишича, трансфер сиёсатида Мотта ва Жунтоли ўртасида келишмовчиликлар бўлган. Директор чемпионлик учун курашишга бир неча ўзгаришлар етарли бўлишини айтган, аммо Мотта катта масштабдаги қайта қуришга қўл урган.