Нидерландия миллий жамоаси бош мураббийи Роналд Куман Миллатлар Лигаси чоракфиналидан ўрин олган Испания (3:3, пен — 4:5) билан ўйиндан сўнг ўз фикрларини билдирди. 

«Иккала жамоа ҳам кейинги босқичга чиқишга лойиқ эди. Бу жуда оғир қарама-қаршилик эди, натижада ҳаммасини омад ҳал қилди — дарвозабонимиз бир нечта пеналтини қайтаришга яқин эди.

Мен футболчилар билан жуда фахрланаман, биз испанларнинг 3 та голига жавоб бера олдик. Биз жуда қаттиқ ҳаракат қилдик ва максимал интенсивлик билан ўйнадик», — дея Куманнинг сўзларини келтиради УЕФА расмий сайти.